Sanggian : Yudi Hidayat Suwandana
Bapa.........................
Dina sela renghap nu haropak
Dina lengkah nu jumarigjeg
Aya geter rasa nu nyaliara
Jentre tur pertela
Na lolongkrang rasa katresna
Bapa.........................
Tisaprak abdi gelar ka alam dunya
Loba pananya nu teu kedal
Ebreh mapaesna indung peuting
Ku murubulna cimata
Hayang cumarita.........................
Bapa.........................
Teu etang jasa bapa kanggo abdi
Ti leuleutik nepi rek mangsa dewasa
Bapa sabar jeung tawekal
Ngaheuyeuk, ngajeujeuh, tur mikanyaah
Da puguh abdi can sawawa
Ya robbi.........................
Pangdugikeun ieu hate
Ku geterna rasa deudeuh
Ka bapa nu pernah ngayuga
Sangkan henteu kapicangcam
Raga teu rumasa ngalangkang
Bapa.........................
Na renghap dumadi abdi
Nasireup getihna abdi
Aya deudeuh, aya nyaah
Nu moal neupika suda