Submitted by endra on Wed, 10/12/2016 - 17:58
Sanggian : Yudi Hidayat Suwandana
GUSTI.......................
Pangguarkeun ieu rasa
Tina peuteungna dunya
Pikeun muntang saraya
Tina sagala dosa
GUSTI.......................
Pangnangkeupkeun ieu nyawa
Nu miang taya nu nanya
Taya tapakna ayeuna
Ngan saukur ngumbara
GUSTI.......................
Dina amparan sajadah
Cipanon ngembeng caah
Neda pangampura sadrah
Tetekon ti gusti pasrah
GUSTI.......................
Pangdugikeun ieu rasa
Nu ngembat sagara dosa
Muga jembar pangampura
Pikeun nyangga kalanggengan pahala surga