Submitted by endra on Wed, 10/12/2016 - 17:56
Sanggian : Yudi Hidayat Suwandana
Basa harimumu nyangkaruk dina batin nu keur kingkin
Rasa ngoceak ngungkulan batin
Katambias marengan bulan nu pias
Mangsa panon poe lingsir ngulon
Aya duriat masket
Na tungtung regang kamelang
Teuteup nu kamari liuh, kalindih napsu nu teu puguh
Reret nu pageuh masket, kiwari tinggal nyeredet
Kapeupeuh galura rasa
Najan anggang na kalangkang
Anjeun bet kokolebatan
Mawa asih nu nyantel na lelembutan